GETUR ÞÚ LÆKKAÐ TRYGGINGAKOSTNAÐINN?
- Elísabet er raunhæf lausn fyrir einstaklinga og fjölskyldur. Hún býður alla nauðsynlega tryggingavernd; ökutækja-, bruna-, fasteigna- og fjölskyldutryggingar
- Elísabet er sanngjörn í verðlagningu; þar borga þeir sem tilheyra áhættumeiri aldurshópum hærra iðgjald en þeir sem tilheyra áhættuminni hópum. Hún er því t.d. oftast afar góður kostur fyrir fólk á aldrinum 30-40 ára!
- Verðkönnun sýnir að Elísabet getur lækkað tryggingakostnað fjögurra manna fjölskyldu um allt að 15%.
Verðdæmi 19.9.2011
| Elísabet - Pakki fyrir fjölskyldu, foreldrar 37 og 35 ára. | |
| Toyota RAV4 ábyrgðatrygging | 8.290 kr. á mánuði |
| Verðmæti bíls 2.5 milljónir og kaskó með 80.000 kr. í eigináhættu (miðað við að enginn yngri en 23 ára keyrir ökutækið) |
|
| Brunatrygging | 1.626 kr. á mánuði |
| Brunabótamat 23.5 milljónir. | |
| Heimilistrygging | 2.370 kr. á mánuði |
| Víðtæk með 10.milljónir í innbúsverðmæti. | |
| Fasteignatrygging | 1.219 kr. á mánuði |
| Brunabótamat 23.5 milljónir. | |
| Samtals | 13.495 á mánuði |
| Sambærilegt tilboð samkvæmt verðkönnun - Pakki fyrir fjölskyldu, foreldrar 37 og 35 ára. | |
| Toyota RAV4 ábyrgðatrygging | 10.535kr. á mánuði |
| Brunatrygging | 1.709 kr. á mánuði |
| Heimilistrygging | 2.413 kr. á mánuði |
| Fasteignatrygging | 1.314 kr. á mánuði |
| Samtals | 15.971 á mánuði |
Fáðu tilboð frá Elísabetu og kannaðu hvort hún getur lækkað tryggingakostnaðinn hjá þér.
FRAMÚRSKARANDI TJÓNAÞJÓNUSTA
TM er þekkt fyrir góða tjónaþjónustu og því eru viðskiptavinir Elísabetar í góðum höndum ef þeir lenda í tjóni.
Tryggingar í boði
Ökutækjatryggingar
NánarBílatryggingar
Bílatryggingar Elísabetar skiptast í 2 hluta.
1) Lögbundin skyldutrygging samanstendur af ábyrgðartryggingu og slysatryggingu ökumanns og eiganda. Skyldutrygging bætir tjón sem verður af völdum bílsins og þau slys sem ökumaður, eigandi og aðrir farþegar kunna að verða fyrir. Tryggingataki velur sjálfur óhappagjaldið (eigináhættu).
2) Kaskótrygging bætir tjón á þínum bíl ef þú eða ökumaður á þínum vegum er valdur að ökutjóninu. Sama gildir um utanaðkomandi bótaskyld tjón sem valda skemmdum á ökutækinu t.d. við árekstur, bílveltu, óveður eða snjóflóð. Þú velur sjálfur eigin áhættu sem er sú upphæð sem þú berð í hverju tjóni. Kaskótrygging tekur mið af verðmæti bifreiðar.
Heimilistryggingar
NánarHeimilistryggingar
Heimilistrygging Elísabetar bætir m.a. tjón á innbúi, tjón af völdum slysa, örorku og andláts í frítíma og bótaskyld tjón sem heimilisfólk veldur öðrum, tjón vegna kortasvika, fjárhagslegt tjón vegna brottflutnings úr húseign og fleira. Tryggingin er ekki jafn víðtæk og algengustu heimilistryggingar. Hún er ódýr og hentar t.d.fólki sem þarfnast ekki ferðatrygginga. Í boði er einnig tækjakaskó sem er sambærilegt hefðbundnu innbúskaskó en hefur þó ekki eins víðtækt bótasvið.
Fasteignatryggingar
NánarFasteignatryggingar
Fasteignatrygging er oft nefnd húseigendatrygging. Hún bætir m.a. tjón á fasteigninni sjálfri, útveggjum, gólfefnum, gleri, hurðum, innréttingum og fleiri naglföstum hlutum sem þú skilur eftir þegar þú flytur. Bótaskyldir tjónsatburðir eru m.a. af völdum vatns, innbrota, skemmdarverka og óveðurs. Fasteignatrygging Elisabetar er einungis í boði á höfuðborgarsvæðinu, hún tekur ekki til ábyrgðatjóna eða tjóna vegna, snjóþunga, asahláku, og skýfalls.
Brunatryggingar
NánarBrunatrygging
Brunatrygging fasteignar er lögbundin trygging sem bætir tjón á húsnæði vegna eldsvoða. Ef þú ert eigandi fasteignar, íbúðar eða húsnæðis verður þú að brunatryggja þá eign. Vátryggingarfjárhæð er í samræmi við brunabótamat hússins sem unnið er af Fasteignamati ríkisins.